Amosando publicacións coa etiqueta Bipartito. Amosar todas as publicacións
Amosando publicacións coa etiqueta Bipartito. Amosar todas as publicacións

venres, 5 de xullo de 2013

Onde estabades todos cando nos roubaban a vida?

Dóeme mesturar de novo a cacicada cometida polo bipartito contra meu pai, coas preferentes, mais ollando como os excompañeiros volven a facelo mesmo tentando presentar a enésima moción no Concello para declarar persoa non grata a calquera deputado do PP, polo voto á quita no Congreso, nomeadamente un veciño de Noia, síntome na obriga de lembrarlles unha vez máis que son os menos indicados para tentar dar leccións de moralidade a outros.


Escoitalos retráeme de novo á derradeira reunión que tiven con eles e outros, na Asemblea Local, onde ao igual que fixeron eses deputados, eles tamén tomaron partido polos seus compañeiros, no canto do agraviado polo "roubo". A proba máis palpable é que fixeron igual que no PP, o banqueiro que vendeu as preferentes saíu "premiado" polo partido con un posto de saída nas eleccións xerais e aquí, o culpable da "quita" a meu pai, nas municipais..., pero de recheo.

O único que digo e repito é que meu pai antes da cacicada tiña unha propiedade intacta e agora, quedáronnos dous cachos atravesados por unha pista, e por riba, sen un tractor de leña e todo o que deixa de producila zona.

O culpable
O consentidor e cómplice
O agro galego non se defende roubándolle a un comuneiro para lucimento persoal do presidente da comunidade, ao que o exconselleiro de Medio Rural e á prostre, seu curmán non soubo poñer couto ou non quixo, de aí que estes señores negáranse a repudialos por ser do partido. Por descontado que se fosen doutro, non teño a menor dúbida que trocaría o conto, porén a estas alturas sei ben de que pe coxean.

Supoño que o saben, porén, se non é así, deixo esta noticia dun compañeiro que vendeu preferentes, mais tivo a valentía de pedirlles perdón aos clientes estafados.

Un concelleiro de Gondomar pide perdón por colocar preferentes: O nacionalista Crego, que traballou en banca, é o primeiro político que o fai.

Recuncando ao problema dos estafados coas preferentes, cando se darán conta os políticos, sexan do goberno ou da oposición que, saben perfectamente que uns e ouros levan tempo xogando con eles? De aí que sexan os únicos sinceros na comisión de investigación das caixas no Parlamento galego?

Ana María Cedeira Zas: "a min non me importa quen estaba; estabas todos". "Deixade de pasarvos a pelota", instou e recriminou que os banqueiros facían o que lles daba a gana" e os políticos "miraban para outro lado"

Pola súa banda, os grupos coincidiron en defender a vía da arbitraxe e a devolución total. O BNG agradeceu aos comparecentes que lembren ao Parlamento que debate sobre "persoas de carne e óso", mentres AGE criticou que esta sexa a primeira vez que "unha lei di aos afectados que teñen que deixar unha parte ao ladrón".

O PSdeG pediu perdón por "os erros" que puidese cometer o partido e trasladou o seu apoio ás reivindicacións dos afectados. O PP manifestou o seu "compresión" e "apoio" ás demandas e o ofreceu tamén as súas "desculpas".
Aquí a proba palpable do dobre traseiro da xente do BNG

Contradicións do BNG relacionadas:

Francisco Jorquera instou aos populares a posicionarse, “a carón dos estafados ou dos estafadores”

O portavoz nacional do BNG visita este venres 5 aos estafados das preferentes pechados no Concello

Manifesto das Alcaldías do BNG en solidariedade coas vítimas das preferentes e contra a lei da administración local

Guillerme Vázquez (BNG): "Ningún gobierno que permite o roubo das preferentes debería durmir tranquilo"

Pero... ¿Quen ten a culpa das preferentes?

El origen de la reglamentación de los polémicos productos financieros está en una reforma legal del Gobierno de Aznar. Mientras fueron emitidos gobernaron en el Estado populares y socialistas y en Galicia, el PP y el bipartito de PSdeG y BNG.





mércores, 30 de novembro de 2011

Vemos a palla no ollo doutro e non vemos a viga no noso?

Preguntas feita polo BNG no Pleno do 4 de novembro de 2011
Que conste que a miña labor non é defender a ningún político ou goberno, iso foron outros tempos, pero con que moral se pode facer esta pregunta dende a oposición: «Que están a facer ao respecto dos verquidos incontrolados que se están a realizar no lugar de Quintáns-Nebra?», despois de non facer nada dende o goberno.

Algunhas mostras de como estivo a zona durante a etapa do anterior bipartito.

31/03/10: Lavado-de-cara

21/07/10: Agora-calamos

06/08/10: Isto-xa-cheira

29/11/10: Veciños-de-segunda

03/12/10: Negome-ser-complice

xoves, 2 de xuño de 2011

Remataron coa corredoira

Fai uns días que xa remataron coa pista-corredoira de Puílla, polo que agardemos que o tempo sexa benevolente, porque co que lle "choraron" ou "aforraron", isto vai durar menos que un chuche á porta dunha escola. Pouco más que engadir, as imaxes falan por si solas.
A pesar de achicarse bastante, aínda lle "choraron" o chapapote.
Aforrouse en todo, mesmo non construíndo esta gavia para dirixir as augas cara ao río en vez de facelo directamente sobre o camiño.

mércores, 25 de maio de 2011

Recuncan as corredoiras?


Cando no seu día os veciños e veciñas de Nebra asinamos para reclamala parcelaria, no fixemos só para que nos agrupasen as terras, se non porque sabiamos que unha vez rematada teríamos unhas infraestruturas viarias de acordo as necesidades de hoxe en día. Por iso as pistas de Santa María Nebra non teñen nada que ver coas de San Vicente de Noal, feita nos anos 70.

Hora que vendo como o Concello comezou  a "reducir" esta de Puilla, pregúntome se as nosas flamantes autoridades, incluído algún directivo da comunidade que presuntamente vaia amosando "papeis" polos bares, nos queren remitir aos tempos das corredoiras?. Debe se-la primeira vez que ollo esta desconsideración contra uns veciños e veciñas que "cedemos" parte das nosas terras e agora, atopámonos con esta chapuza, burla, burrada, pitorreo, etc. Copiarían do Corredor Brión-Noia?

Coñezo aldeas por onde non poden pasalos camións de recollidas do lixo e as queixas que desatou no seu día nun pleno, porque nunha delas se instalara un contedor soterrado que non se podía baleirar, e aquí, con un ancho envexable, van e redúcena. O mundo do revés?

Esta redución, pero non tan esaxerada, xa aconteceu con algunha das últimas asfaltadas, sobre todo coa chamada "principal" e iso que polo visto houbo xente que dou queixas.

Rozando o rizo, atópome que cando a directiva de montes e Medio Rural expropiaron ilegalmente a varios propietarios do enclave dos Balados, aló polo 2006, non se cortaron en darlle un ancho do que carece incluso a estrada da Deputación que nos leva do Empalme á Igrexa e agora esta.

xoves, 19 de maio de 2011

Obras... con anzol

Estas obras de última hora que practican en tódolos concellos os diferentes gobernantes sen distinción de ideoloxía atufan ao lonxe. Eu véxoo así, e fai uns anos eramos moit@s os que coincidiamos nisto en eternas reunións, agora ollo que algunha daquela xente procede de igual maneira, polo que cada un que o interprete como queira. Outros van máis aló e chámanlles cacicadas... favores, etc. Non temos máis que indagar en Internet, escoitar mitins e aqueles que gardaron panfletos, decatarse que non digo nada fora do común.

Centrándome no noso Concello e concretamente na miña parroquia, aínda que xa ollei que noutras esta pasando o mesmo, comezouse a actuar nesta pista que da acceso a aldea de Puilla, despois de que en decembro lles puxesen os "dentes lagos" aos seus veciños e veciñas. A causa foi que só actuaron na entrada, que xa estaba asfaltada a medias de antigo e despois de que presuntamente o presidente da comunidade lles prometera asfaltala. O certo é que cando unha representación de veciños foi falar coa responsable de obras, presuntamente díxolles que non había cartos... agora parece que afloraron por arte de maxia.

Tamén me fago eco da queixa dos veciños, porque nesa actuación non fixeron cunetas e agora debido a peculiaridade do terreo que ten unha forte pendente, as correntadas abocan directamente á pista.
Aquí pódese ollar como se actuou en decembro a salto de mata. Neste caso só se actuou neste tramo que da acceso a un negocio, que por suposto non critico, pero supoño que os veciños de Puilla terían o mesmo dereito ou quizais máis, por cuestións obvias: o tramo estaba intransitable e porque daba servizo a máis veciños e servizos públicos.
Neste caso a actuación é neste pequeno tramo que da acceso a aldea de Orseño, descoñecendo porque no seu día se deixou a medias. Non podo precisar en que ano ou que equipo de goberno non rematou a obra, pero a resposta ben pode ser..., que tampouco habería cartos.
Poden botar unha ollada a estas fotos e sobre o que dixen aquí en xaneiro, en relación a esta pista recen asfaltada.
... Última hora, hoxe polo visto están coa pista da Pedra do Lobo.. a cachola non para!!!.

xoves, 13 de xaneiro de 2011

Mal, moi mal


Á vista das imaxes, que pista dirían que leva case tres anos asfaltada e cal pouco máis dun mes? Non creen que por parte de quen corresponda: Goberno de España, Xunta de Galicia, Deputación, ou neste caso o Concello, non deberían xestionar algo mellor os nosos impostos?

xoves, 6 de maio de 2010

Estamos vendidos?

Abraiado i estupefacto me quedei ao ve-las declaracións en El Correo Gallego do conselleiro de Medio Ambiente, Agustín Hernández respecto á rotonda da autovía en Xarás (Ribeira):

"está pendiente del auxilio de las fuerzas del orden público para retirar el tractor colocado por el dueño de un terreno que estaba disconforme con su ocupación. El Xurado de Expropiación ya fijó la cuantía, muy por debajo de lo que pedía el afectado, y ya no hay motivo para no hacer la rotonda".

La Voz de Galicia tamén recolleu: «está pendente do auxilio dás forzas de orde público para retirar o tractor».

Só no Diario de Arousa podemos ve-la opinión do portavoz da firma propietaria:

...el tema está en manos de la justicia, después de que el TSXG admitió a trámite un contencioso-administrativo por nulidad del expediente de expropiación, y una querella criminal por falsificación documental, que podrían ampliar a los actuales responsables “si deciden meterse”

Como troca o conto de estar na oposición ou no goberno, na oposición uns e outros defenden o indefendible por un puñado de votos, e tamén nos decatamos que para eles é moi loado preitear cos cartos de todos.

Como lembraremos este caso saltara a luz pública ao entrala empresa Sacyr neses terreos sen que o bipartito fixera os deberes, como era inicialo proceso de expropiación forzosa caso de non chegar a un principio de acordo. No caso da expropiación ilegal que Medio Rural efectuara tamén na propiedade de meu pai, foran moito máis rápidos ao actuar con nocturnidade, premeditación e aleivosía.

Recoñezo que esa rotonda é moi necesaria, crúzoa dúas veces ao día como mínimo e prodúcense bastantes embotellamentos, pero o que non se pode é ir de prepotentes e "chulitos" pola vida, por moi políticos que sexan, pisando os nosos dereitos. Neste caso notase que deron cun oso duro de roer, o malo é cando dan con xente que non se pode defender. Dende a morte de Franco pensei que rematara a Ditadura, pero ou moito me engano ou estamos noutra pero con minúsculas.

Agardemos que no caso de heliporto do Hospital da Barbanza, outra mala herdanza do bipartito, tamén sexan igual de rápidos i eficientes.

Algunhas ligazóns de interese sobre o tema e que conste, nin teño parentesco cos propietarios, nin os coñezo.

11/12/2008 Unha empresa reclama xudicialmente que se paralice a ocupación dun terreo situado en Xarás

28/12/2008 Un veciño fai garda 24 horas en Xarás para impedir que Sacyr traballe

09/03/2009 Sacyr ocupa os terreos próximos á rotonda de Xarás

10/03/2009 Sacyr entra na leira de Xarás escoltada pola Policía Autonómica

10/03/2009 O propietario da parcela anuncia medidas legais para paralizar de novo as obras

26/03/2009 Os afectados polas obras de Sacyr presentan unha queixa ante o Valedor

10/12/2009 O tractor de Xarás cumpre un ano sen moverse e co litixio da expropiación sen resolver

domingo, 2 de maio de 2010

Agresións contra o noso Patrimonio

O non poder facer nada por mor dunha lesión nun xeonllo, fai que me entreteña un pouco máis coa rede para informarme do que pasa na nosa terra. De aí que hoxe publique dúas entradas facendo un percorrido polo pasado, pero sen esquecerme do presente.
Fai dous anos La Voz de Galicia daba conta do que puido ser unha perda irrecuperable dos restos megalíticos que poboan os Chans do Barbanza. O titular era demoledor: A Arca do Barbanza estivo ameazada por unha reforestación.

Unha vez que se descubriu todo, parece que ninguén era o culpable nin coñecían a existencia deste mítico conxunto a pesares de que leva aí máis 5.000 anos, e foi acuñada por moitos arqueólogos como a Catedral do Megalítico.

Lamentablemente dun tempo a esta parte o noso Patrimonio cada vez está máis en perigo por culpa da man do home e pola insensibilidade dos políticos que fan leis de palla, aínda que na maioría dos casos son os principais culpables. Así foi como souben da sorte que correu un petroglifo feito nunha laxe de xisto e os restos das paredes dun xacemento romano. Nestas ligazóns dan conta con fotos do acontecido: Oia permite arramplar cun xacemento rupestre, ideas cavernícolas e unha humanada.

O curioso e que as implicadas sexan dúas comunidades de montes e mentres no primeiro caso, quen debería velar porque iso non acontecera era a Xunta do bipartito, agora tocáballe cargar coas culpas á Xunta do PP. Na prensa soemos ver que a hora de pedir responsabilidades cando acontecen estes casos, uns e outros cando están na oposición son os primeiros en facerse ver de cara á galería, pero a vista deste e outros casos en Cultura suspenden todos.

Segundo relata un expresidente da nosa comunidade no seu libro "Nebra, un lugar por descubrir", por mor da parcelaría aquí tamén desapareceu esta pedra. O curioso é que sabendo dela e vendo como estivo balizada, houbese desaparecido. Polo seu tamaño, incluso me atrevería a asegurar que ao mellor rematou no xardín de alguén.


Outros ataques ao Patrimonio por políticos e vándalos.
Que facemos co cadavre
O indicador que afecta a uns gravados rupestres en Bealo aínda non foi retirado
Cultura obrigou a unha empresa a pór en valor uns petroglifos de Rianxo tras abrirlle un expediente
A Deputación xa encargou un estudo para intentar borrar a pintada do dolmen de Axeitos

Imaxes do que puido se-la desfeita e que no seu día remitira para denunciar en Certo. Na que encabeza a entrada, aínda se pode ve-la pegada dos feitos dous anos despois.