Amosando publicacións coa etiqueta Medio Rural. Amosar todas as publicacións
Amosando publicacións coa etiqueta Medio Rural. Amosar todas as publicacións

domingo, 16 de marzo de 2014

Como me sona esta canción!!!


Con que moralidade ou dereito atrévese agora esta señora, a pedir contas ou explicacións á Xunta do PP, cando no seu día o seu partido desde a Concellería do Medio Rural, non foi quen de darllas a un cidadán que pagaba os seus impostos, co agravante de que o seu fillo, eu, nese intre militaba no partido, do que me arrepentirei toda miña vida, e onde ademais de pagala cota mensual, aportaba fondos nas campañas, sen que xamais pedise contraprestacións xa que ese non era o meu estilo, como adoitan facer outros, neste partido e noutros.

A Xunta non responde...

Como troca o conto!!!

Medio Rural non contesta...

Para unha vez que reclamamos un dereito, non unha prebenda, vexase a súa resposta. Doutros partidos agardaba de todo, porén do meu? XAMAIS!!! Así espoliounos, ou mellor dito, o exconselleiro roubounos parte dese agro atravesándonolo con esa pista ilegal, feita con fondos públicos, e que nin sequera fora aprobada pola Comunidade.

Descoñezo onde ese señor, xunto co seu curmán, estudaron o termo propiedade privada e Democracia. Verbas que baixo o meu punto de vista quédanlles moi grandes, casándolles mellor esta: Ditadores.

Fai uns días, ollando a defensa que facía Montse Prado na súa conta de Facebook (presuntamente somos amigos), pregunteille por que non seu día non alzou a súa voz contra este atropelo. Non hai peor cego que o que non quere ver... tampouco me contestou.

Viario no PXOM. Planos que Ánxela Franco, como tenente de alcalde mostraba orgullosa a todo o mundo que se achegaba ao Concello, onde prometía a Variante de Portosín, da que agora, conxuntamente co seu partido, seguramente por intereses electorais rexeitan. Xa o di o refrán: Non cuspas para riba que te pode caer na cara.

venres, 5 de agosto de 2011

Desleixo no Castro


Tódolos anos o mesmo e da igual quen goberne na Xunta de Galicia ou no Concello, as nosas propiedades a carón do Castro de Baroña son ocupadas ilegalmente de xeito permanente no verán i esporadicamente, noutras datas, indo en contra claramente dos cámping da zona.

Un ano que solicitei un permiso de queima, o día que estaba na faena achegáronseme dous gardas de Medio Rural para comprobar se tiña todo en orde e agora parece que están desaparecidos ou fora de combate. Dende o tráxico incendio de Gualajara no ano 2007, unha Lei estatal prohibe facer grellas en épocas de risco e aquí non fan unha, nin dúas, nin tres, se non as que-lle apetecen e tódolos días de Deus e non hai ninguén que se achegue a pedirlles explicacións e de vez en cando, atopámonos con pinos secos. Por se fose pouco, este ano Medio Rural mesmo prohibe botar foguetes en zonas de risco e non fai moito, o lume dunha grella causou un grave incendio. Se aquí un día lles escapa, xa non seria o primeiro, a quen-lles vamos a pedir responsabilidades?

A parte diso esta o tema de salubridade, porque en pleno apoxeo podémonos atopar con preto de 50 tendas ocupadas por dúas persoas, aínda que tamén as hai familiares. Boten agora contas da xente que usa os nosos agros como retretes para facelas súas necesidades fisiolóxicas e por se fose pouco, tirar neles os coeiros, as compresas e os porcos de todo, o resto de vasoira, como se pode ver nesta foto.


O que máis me «rechifla» de todo isto é que hai xente que fai promoción en Internet e xactándose de que está prohibido e que a 200 metros esta o cámping... «pero aquí es gratis y las vistas son inmejorables», Sen palabras. Fai uns días mesmo a Asociación de Empresarios Sonense ligaba unha páxina no seu facebook, algo que me pareceu mal e non creo que ao dono do cámping lle agradase moito dita publicidade. Non me quedou máis remedio que pegarlle a ligazón desta foto.

Aproveitando que o Pisuerga pasa por Valladolid, non quixera pasar por alto o que está pasando estes días en Madrid, no que se impide a libre circulación da xente por rúas e prazas públicas e algúns, mesmo propoñen mobilizar os seus para impedir ditos asentamentos, a parte xa dos «paus» que reparte a policía. Pois señores do Goberno, da Xunta e do Concello, aquí tamén temos campistas, pero os indignados somos os donos dos terreos. Mesmo estou tentado de comprarme a miña primeira tenda de campaña para emular aos nosos ancestros e irme a durmir co rumor das ondas batendo nas rochas e respirar o ar salitroso da zona. Canto creen que duraría a miña aventura?

A outra solución que me queda seria esta: Donos de fincas xunto a festas ou praias cobran desde 10 euros por acampar.

Canto batume tería que apañar? Como tería o lumbago? Por que no vendemos? «Seguramente no lo pagarían ben, pero como non se pode construír».

Epitafio: se temos que aturala súa merda, algo lle teremos que gañar... digo eu.

Non deixen de léelos comentarios explícitos das fotos, porque comento cousas que non digo aquí e nalgúns casos son máis graves e punibles.

Desleixo no Castro

martes, 14 de xuño de 2011

A voltas coa parcelaria

Pista da parcelaria en Queiro
Aínda que non somos a parroquia máis prexudica polo tema, en canto á súa posta en marcha, xa que as máquinas entraron nas leiras fai 10 anos, algunha por Lugo, na terra de Fraga, leva medio século inacabada.

Pero non é a parcelaria de Nebra un exemplo a seguir para outras parroquias en canto ao reagrupamento de predios, aínda recoñecendo que ao contrario que Noal, somos moitos máis veciños, o certo é que se puido facer moito máis e mellor. Do único que nos podemos sentir orgullosos e que as pistas teñen un ancho envexable, aínda que agora algunhas delas ao asfaltalas o Concello reduciunos a súa rodadura, pero é que as parcelas tamén podían e deberían ser máis grandes. A modo de exemplo e por personalizar, direi que meu pai tiña na mesma zona unha parcela de 5 ferrados «2.100 m2», que-lle quitaron e de cinco parcelas que-lle quedaron, ningunha alcanza agora esa medida. En definitiva, persoalmente saíu moi prexudicado, notase que non tivemos amigos na Xunta coma outros.

Quen pensase que co troco que houbo de gobernos na Xunta a cousa ía a trocar a mellor, aquí enganouse, porque todo seguiu polo mesmos derroteiros, é máis, no seu día cando viñeron cargos de Medio Rural (BNG) ao local da comunidade, mesmo dixeron que algunhas parcelas quedarían sen acceso e que teríanse que servir pola do veciños «sic». Non sei como quedou todo ao final, no noso caso, todas teñen acceso, aínda que unha deixaránola sen entrada e iso que no seu día estiven con un responsable de Tragsa na zona.
Parcela dun agro á que si se-lle fixo o acceso
En vésperas das eleccións autonómicas, autorizóusenos a que botásemos man delas, esquecéndose que unha terceira parte aínda están sen mogóns «marcos», polo que moitos veciños non saben hasta onde chega a súa propiedade. Para rematar de g... o presidente da comunidade meteuse polo medio e nunha asemblea propoñía de pedilos títulos de propiedade aínda con todo a medias, el non esta afectado porque non ten terreos parcelados, aínda que neste caso os veciños decatáronse da súa xogada, e paráronlle os pes... co monte que faga o que queira, pero a propiedade é sagrada.

Coa parcelaria tamén houbo moita picaresca, como foi que algúns deixaron os agros a toxos, mentres os que-lle tocaba a eles, os seus propietarios foron un pouco más xenerosos. Tamén os houbo quen xa nin consultaron co anterior propietario para chegar a un acordo sobre a madeira que tiña, metéronse neles coma Perico por su casa.
120.000 galegos seguen esperando pola parcelaria
Na actualidade hai 170 procesos de concentración abertos, que suman 157.000 hectáreas de terreo. Afectan a 120.000 propietarios. Na Coruña está a maior superficie

Medio Rural elabora unha nova lexislación para axilizar procesos

xoves, 6 de maio de 2010

Estamos vendidos?

Abraiado i estupefacto me quedei ao ve-las declaracións en El Correo Gallego do conselleiro de Medio Ambiente, Agustín Hernández respecto á rotonda da autovía en Xarás (Ribeira):

"está pendiente del auxilio de las fuerzas del orden público para retirar el tractor colocado por el dueño de un terreno que estaba disconforme con su ocupación. El Xurado de Expropiación ya fijó la cuantía, muy por debajo de lo que pedía el afectado, y ya no hay motivo para no hacer la rotonda".

La Voz de Galicia tamén recolleu: «está pendente do auxilio dás forzas de orde público para retirar o tractor».

Só no Diario de Arousa podemos ve-la opinión do portavoz da firma propietaria:

...el tema está en manos de la justicia, después de que el TSXG admitió a trámite un contencioso-administrativo por nulidad del expediente de expropiación, y una querella criminal por falsificación documental, que podrían ampliar a los actuales responsables “si deciden meterse”

Como troca o conto de estar na oposición ou no goberno, na oposición uns e outros defenden o indefendible por un puñado de votos, e tamén nos decatamos que para eles é moi loado preitear cos cartos de todos.

Como lembraremos este caso saltara a luz pública ao entrala empresa Sacyr neses terreos sen que o bipartito fixera os deberes, como era inicialo proceso de expropiación forzosa caso de non chegar a un principio de acordo. No caso da expropiación ilegal que Medio Rural efectuara tamén na propiedade de meu pai, foran moito máis rápidos ao actuar con nocturnidade, premeditación e aleivosía.

Recoñezo que esa rotonda é moi necesaria, crúzoa dúas veces ao día como mínimo e prodúcense bastantes embotellamentos, pero o que non se pode é ir de prepotentes e "chulitos" pola vida, por moi políticos que sexan, pisando os nosos dereitos. Neste caso notase que deron cun oso duro de roer, o malo é cando dan con xente que non se pode defender. Dende a morte de Franco pensei que rematara a Ditadura, pero ou moito me engano ou estamos noutra pero con minúsculas.

Agardemos que no caso de heliporto do Hospital da Barbanza, outra mala herdanza do bipartito, tamén sexan igual de rápidos i eficientes.

Algunhas ligazóns de interese sobre o tema e que conste, nin teño parentesco cos propietarios, nin os coñezo.

11/12/2008 Unha empresa reclama xudicialmente que se paralice a ocupación dun terreo situado en Xarás

28/12/2008 Un veciño fai garda 24 horas en Xarás para impedir que Sacyr traballe

09/03/2009 Sacyr ocupa os terreos próximos á rotonda de Xarás

10/03/2009 Sacyr entra na leira de Xarás escoltada pola Policía Autonómica

10/03/2009 O propietario da parcela anuncia medidas legais para paralizar de novo as obras

26/03/2009 Os afectados polas obras de Sacyr presentan unha queixa ante o Valedor

10/12/2009 O tractor de Xarás cumpre un ano sen moverse e co litixio da expropiación sen resolver

luns, 26 de abril de 2010

Unha vida por vinte arbores

Hoxe de novo a prensa volve a mostrarnos a incompetencia duns políticos, que de traballar nunha empresa privada faría tempo que estarían nas listas do paro. Parece cousa de risa, pero a verdade é que unha pélea por vinte árbores deixa a Ribeira sen heliporto. E a Xustiza que ten que dicir a todo isto?. Nada, lavarse as mans coma Pilatos, porque Herodes só houbo un.

No seu día xa me fixera eco disto descargando adrenalina contra os políticos, uns por non facer ben as cousas e outros por tentar lavarse as mans... coma Pilatos, cando sabían perfectamente ou deberían sabelo, que o problema deixarano os seus sobre a mesa.

Aquí falaba de odiosas comparacións, porque mentres para salvar vidas humanas non fixeran nada, para unha rotonda en Xaras (COTOP) e para lucimento dalgúns (Medio Rural), arrasaron con propiedades privadas. Nas imaxes a pista aberta polo bipartito e a Comunidade de Montes sobre propiedades privadas, sen coñecemento e permiso de 6 propietarios. Na foto 2, parte do agro de meu pai.

Non son xuíz, pero salvando os causes legais, son partidario de que se corten esas arbores e que se depositen os cartos nun banco ata que se dite sentenza. Non quixera estar no "pelexo" duns e outros, se por non poder usarse o heliporto se perde unha vida humana.

sábado, 28 de novembro de 2009

Odiosas comparacións


Ata para algo esencial como é dar un servizo rápido i eficaz co que se poden salvar moitas vidas, é necesario e imprescindible cumprir uns trámites burocráticos, por iso a necesidade de talar uns pinos frea a posta en marcha do heliporto do hospital.

Algo tan vital para os doentes e accidentados desta bisbarra non pode entrar en servizo porque aínda que pareza incrible, os "eficientes" xestores do bipartito na Xunta de Galicia, puxeron o carro diante dos bois e non expropiaron nin os terreos nin os arbores que supoñen un serio perigo para o aterraxe e despexe dos helicópteros, por lo que o Concello de Ribeira tivo que negociar cos propietarios, case dez.

O curioso é que agora dende a oposición, o BNG pregunta no Parlamento cales son os motivos de que aínda non se puxera en marcha. Preguntas repetidas incluso no último pleno do Concello de Ribeira. De verdade que non saben a verdade?

É curioso, non moi lonxe do Hospital, eses mesmos xestores nunha obra menor tentaron facelo mesmo que lle fixo Medio Rural e a comunidade de montes a meu pai, cortarlle uns eucaliptos e cruzarlle un agro cunha pista.

Quen pasa pola rotonda de Xaras e non coñece os feitos, estráñalle que leve tanto tempo sen rematar e mesmo ver eses tractores inmobilizados. Pois ben, a culpa da súa paralización foi que nin se dignaron a abrilo proceso de expropiación ou falar co propietario. Os tractores foron os que impediron que continuase a desfeita.


Ao contrario que a meu pai, que foi advertido despois de consumada a cacicada, o dono deste terreo foi quen de pararlle os pes a toda unha administración.

Así funcionaron uns personaxes que prometeron respectar ao pobo que lles dou a opción de gobernar en Galicia, oportunidade que non souberon aproveitar, quizais pola súa prepotencia.
Perdoen a retórica, pero de contar cun xestores da catadura moral dos directivos da nosa comunidade que arrasaron co agro de meu pais e os eucaliptos que tiña, ese heliporto podería estar en funcionamento xa.

martes, 4 de decembro de 2007

Chapuzas made in Galiza

Comezo esta bitácora denunciando as "chapuzas" que fixo a Consellería do Medio Rural nos pasos canadenses da miña parroquia.
Estes pasos como saberán, constrúense para evitar que, tanto cabalos coma vacas, accedan a zonas repoboadas, fincas de labranza ou o que é peor, que crucen as pistas ou estradas, co conseguinte perigo de accidentes (de feito, xa causaron diversos). O día que tomei as fotos, podíase ver perfectamente como varios cabalos pastaban fóra da zona delimitada.
Como poden observar tamén, o cemento semella que brilla pola súa ausencia e os ferranchos, amais de estaren moi mal soldados, non estaban o suficientemente inseridos na base.
Nesta zona había outro paso, pero descoñezo porque se anulou, e parece incrible que deixasen eses ferros así ao aire.
O motivo de facer esta denuncia é que, se causan un accidente a persoas ou vehículos, alguén terá que facerse cargo dos danos e prexuízos causados, e a dúbida que lanzo é, quen será o responsable civil subsidiario? A Xunta de Galicia, que foi quen o fixo, ou a Comunidade de Montes, que é a propietaria do monte e que, aparte de recepcionalos, supoño que tivo que dar o visto e prace. A chapuza dende logo non ten nome.
Máis nada, agardo que me acollan nos seus marcadores, e seguirei falando de cousas do meu bonito pobo, Nebra, máis adiante.