Amosando publicacións coa etiqueta Expropiación ilegal. Amosar todas as publicacións
Amosando publicacións coa etiqueta Expropiación ilegal. Amosar todas as publicacións

luns, 19 de outubro de 2015

Especialistas en apropiación de fotos, actos e propiedades

Se cando entrei no BNG me dixeran que algún día tería que escribir estas cousas sobre algúns nacionalistas, seguramente non dera o paso. Aquí teño que aplicarme isto de: onde menos agardas salta a lebre.

A revista dixital e nacionalista Terra e Tempo, foi a que me roubou a foto que encabeza esta entrada para ilustraren o artigo de Xosé Alfredo Pereira, e por riba, como se comproba ao poñela a carón da orixinal, manipulárona (tan chafalleiros foron que nin o nome indicador da foto se mataron a editar).

Este ano, o xa ex-presidente da comunidade (dende o 27 de setembro) convidou a Xosé Alfredo Pereira Martínez a presidilo «paripé» que xunto co BNG de O Son promoven desde que abandonei o partido (e empeñan en atribuírse a autoría). No discurso mencionou que asistían familiares das vítimas, cando en realidade tanto os descendentes de Antonio Sobrado como os de Xenerosa Vidal estaban na misa, a cal desde a 1ª homenaxe se celebra na súa memoria. Até niso ten que recorrer á mentira!!

Como podía seguir sendo militante dun partido que desde o bipartito levoulle por diante, con mentiras, parte deste agro a meu pai (e outros) para cruzarllo cunha pista? Daquela ese señor e os ex-compañeiros non moveron un dedo polos nosos dereitos, agora veñen aldraxar a memoria desta xente, entre os que había familiares meus.

Segundo o anunciaron, veu en calidade de presidente da orgaccmm, pero Santiago Suárez fixo fincapé en que foi un dos fundadores do Instituto De Estudos Agrarios Mártires de Sobredo, e que tamén organizan «un acto como o deles».
O secretario do IEAMS xa se puxera en contacto comigo hai 2 anos. Por convicción xa ía á súa homenaxe moito antes, e coñezo a maneira na que o organizan, e ese ano como fun invitado acudín novamente e tamén falar en persoa mellor que por teléfono, mais non só non corresponderon (a pesar de invitalos expresamente), se non que por afinidade política o seu vogal preferiu vir ao do BNG. Se fose coherente como a seguir había o acto sen vinculacións políticas, en xusta correspondencia debería agardar.

Así coincidiría con Deira, ex-alcalde de Boiro que non tivo inconveniente en sumarse á homenaxe, a pesar de que, encabezado polo alcalde había unha ampla representación do goberno local, faltando toda a oposición e iso que foron invitados expresamente, porque este acto sempre foi aberto, e como ben dixen alí mentres había só un xamais se usou a estreleira, porque sempre actuei como nebrán non coma militante, algo que non queren aceptar porque quedarían sen argumentos para levar a auga para ao seu muíño.

Agardo que polo menos se o chamou polo móbil, non usase o da comunidade, que aínda non llo entregou á nova xunta reitora, un feito incomprensible.

Este ano produciuse algo no que ao mellor moitos non repararon, non puxeron a súa bandeira ao pe dos monólitos nin fixeron acto de presenza con ela como cando se colocou a placa que acompaña o monólito, colocada por un alcalde do PP, Manuel Tomé, a quen apearon grazas a unha moción de censura que á prostre non lles valeu de moito (e tiña o mesmo dereito, ou máis, que eles a estar aí).
Igual este ano alguén os asesorou de que non o fixesen ou déronse unha volta polos meus artigos para ver como organizan, por exemplo, o de Sobredo, onde non hai bandeiras coa estreleira xunto ao monólito.

A mesma revista non tivo empacho en usar o cartel do noso acto, un traballo do meu fillo, para "adornar" a crónica do meu homónimo, Calo Lourido, de cando veu ao «paripé» deles. Digo eu que, estando a súa intervención anunciada no cartel do BNG (cos anagramas correspondentes), porque fixo uso do outro?.
Sorpresa tamén e ler o comentario que escribiu Santiago nese artigo, e ver como esa "pailanada" se desminte soa coas súas propias palabras. Malditas hemerotecas! Ademais das difamacións que fai, lembrarlle que non é preciso militar nun partido nacionalista para ser considerado como tal. Se acudise algunha vez a Sobredo vería que tamén acode algún alcalde do PP.

Logo temos en Salceda de Caselas unha rúa Mártires de Sobredo. Algo que eles aquí non fixeron, a pesar de ter a oportunidade estando por 2 veces ao fronte do Concello, e, se me informaron ben, participaron na renovación dos novos rueiros de O Son.
No caso dos rueiros, para min foi unha desconsideración pórlle a rúa a David Mariño (fusilado na Guerra Civil), en Portosin no mesmo lugar onde aínda resiste un escudo da Falanxe. Como non hai ningún acto que o lembre (ou como no meu caso, non teñen a quen roubarllo), é un dos esquecidos da historia sonense, que, non sendo de Portosin, limiteime a lembralo aquí.
Seguindo coas apropiacións (ou curiosidades), atopeime no Facebook como Ánxela Franco (quen me chama «mentireiro») compartía a publicación de Alexandre Bóveda, que vai acompañada dunha foto miña.
E non podía rematar sen presentar, por fin, a proba de como a Consellería do Medio Rural, cando estivo ao fronte o curmá do "pailanadas" actuou de mala fe, enviándolle a documentación da denuncia de meu pai (q.e.p.d), mentres a el XAMAIS lle contestaron. Se lle fago caso á señora Franco, que por ser militante contaba como «do bloque», entón estes feitos que aconteceron cando seguía militando, tamén son o culpable, non?.

martes, 18 de marzo de 2014

Malo que o presidente e o seu partido non sexan quen de aprecialas diferenzas, entre expropiación, cesión e roubo

Montse Prado, na súa conta de Facebook a raíz do seu apoio aos mariñeiros do cerco.
13 Marzo: Está claro do lado de quen está @obloque

Paco Do Martelo. Montse, gustaríame saber neste caso de lado de quen estaba o BNG e o exbigoberno, ante este atropelo?
Expropiación ilegal
Medio Rural non contesta

Dado que a señora Prado non se dignou a responderme a ningunha desas preguntas aproveito esta noticia para que xunto cos seus compañeiros, saiba discernir entre:

A Expropiación, é unha institución de Dereito Público que consiste na transferencia coactiva da propiedade privada desde o seu titular ao Estado, mediante indemnización: concretamente, a un ente da Administración Pública dotado de patrimonio propio. Pode expropiarse un ben para que este sexa explotado polo Estado ou por un terceiro.

A Cesión: é a renuncia dunha posesión ou un dereito a favor doutra persoa ou organismo.


O roubo: é un delito contra o patrimonio, consistente na apropiación de bens alleos.
La Voz de Galicia: O arranxo do paseo marítimo de Boa requirirá a cesión de novos terreos


Barbanza/Marta Gómez: Os danos causados polos temporais tamén afectaron á estrada

Dentro do paquete de intervencións de urxencia que acometerá o Goberno central a través da Demarcación de Costa para reparar os danos causados polos temporais dos últimos meses anunciouse unha actuación no litoral de Boa, en Noia. Segundo informouse desde o goberno local, a actuación que se acometerá nesa zona non será peccata minuta, xa que os danos causados polo mar tanto no paseo marítimo como na estrada que pasa pola zona son importantes. De feito, requirirán a cesión de novos terreos para que poidan acometerse os traballos.

A forza do mar non só afectou ao paseo de Boa Grande, que permanece cortado desde hai semanas debido, precisamente, aos danos sufridos, senón tamén á estrada. A erosión do terreo fixo que viñese abaixo a parte da plataforma da vía máis próxima á praia e será preciso modificar o trazado, polo que desde Costas de solicitou a colaboración do Concello para que xestione cos veciños con propiedades na zona a cesión dos terreos necesarios.

Ademais, será preciso modificar a anterior estrutura do paseo, que resultou moi danada, para garantir a súa estabilidade e evitar que volva resultar tan afectada polos temporais.

No verán

Pola súa banda, desde o Concello piden a colaboración dos veciños na cesión dos terreos. O obxectivo é axilizar as xestións todo o posible para que o paseo de Boa e a súa contorna estean recuperados para a tempada estival.

Por agora confirmouse a intervención da Demarcación de Costas para acometer a actuación en Boa, pero os danos ocasionados polo mal tempo no municipio noiés alcanzaron a outras zonas do litoral. Tamén en Testal rexistráronse danos e será preciso retirar a caseta dos socorristas.

No seu momento, o executivo noiés cifrou en 250.000 euros o custo de reparar os danos causado polos temporais.

A intención é que a zona se atope en perfecto estado este verán
Estou seguro que Bieito, en ningún caso fará en Boa o que lle fixo o seu compañeiro, Suárez Canal e o seu curmán a meu pai, que ademais de ser un emigrante, era tan galego coma esa xente que por intereses electorais din defender. Isto dáme dereito a dicirlles alto e claro: ÍDELLE CON ESE CONTO A OUTROS E A OUTRAS!!!


venres, 5 de xullo de 2013

Onde estabades todos cando nos roubaban a vida?

Dóeme mesturar de novo a cacicada cometida polo bipartito contra meu pai, coas preferentes, mais ollando como os excompañeiros volven a facelo mesmo tentando presentar a enésima moción no Concello para declarar persoa non grata a calquera deputado do PP, polo voto á quita no Congreso, nomeadamente un veciño de Noia, síntome na obriga de lembrarlles unha vez máis que son os menos indicados para tentar dar leccións de moralidade a outros.


Escoitalos retráeme de novo á derradeira reunión que tiven con eles e outros, na Asemblea Local, onde ao igual que fixeron eses deputados, eles tamén tomaron partido polos seus compañeiros, no canto do agraviado polo "roubo". A proba máis palpable é que fixeron igual que no PP, o banqueiro que vendeu as preferentes saíu "premiado" polo partido con un posto de saída nas eleccións xerais e aquí, o culpable da "quita" a meu pai, nas municipais..., pero de recheo.

O único que digo e repito é que meu pai antes da cacicada tiña unha propiedade intacta e agora, quedáronnos dous cachos atravesados por unha pista, e por riba, sen un tractor de leña e todo o que deixa de producila zona.

O culpable
O consentidor e cómplice
O agro galego non se defende roubándolle a un comuneiro para lucimento persoal do presidente da comunidade, ao que o exconselleiro de Medio Rural e á prostre, seu curmán non soubo poñer couto ou non quixo, de aí que estes señores negáranse a repudialos por ser do partido. Por descontado que se fosen doutro, non teño a menor dúbida que trocaría o conto, porén a estas alturas sei ben de que pe coxean.

Supoño que o saben, porén, se non é así, deixo esta noticia dun compañeiro que vendeu preferentes, mais tivo a valentía de pedirlles perdón aos clientes estafados.

Un concelleiro de Gondomar pide perdón por colocar preferentes: O nacionalista Crego, que traballou en banca, é o primeiro político que o fai.

Recuncando ao problema dos estafados coas preferentes, cando se darán conta os políticos, sexan do goberno ou da oposición que, saben perfectamente que uns e ouros levan tempo xogando con eles? De aí que sexan os únicos sinceros na comisión de investigación das caixas no Parlamento galego?

Ana María Cedeira Zas: "a min non me importa quen estaba; estabas todos". "Deixade de pasarvos a pelota", instou e recriminou que os banqueiros facían o que lles daba a gana" e os políticos "miraban para outro lado"

Pola súa banda, os grupos coincidiron en defender a vía da arbitraxe e a devolución total. O BNG agradeceu aos comparecentes que lembren ao Parlamento que debate sobre "persoas de carne e óso", mentres AGE criticou que esta sexa a primeira vez que "unha lei di aos afectados que teñen que deixar unha parte ao ladrón".

O PSdeG pediu perdón por "os erros" que puidese cometer o partido e trasladou o seu apoio ás reivindicacións dos afectados. O PP manifestou o seu "compresión" e "apoio" ás demandas e o ofreceu tamén as súas "desculpas".
Aquí a proba palpable do dobre traseiro da xente do BNG

Contradicións do BNG relacionadas:

Francisco Jorquera instou aos populares a posicionarse, “a carón dos estafados ou dos estafadores”

O portavoz nacional do BNG visita este venres 5 aos estafados das preferentes pechados no Concello

Manifesto das Alcaldías do BNG en solidariedade coas vítimas das preferentes e contra a lei da administración local

Guillerme Vázquez (BNG): "Ningún gobierno que permite o roubo das preferentes debería durmir tranquilo"

Pero... ¿Quen ten a culpa das preferentes?

El origen de la reglamentación de los polémicos productos financieros está en una reforma legal del Gobierno de Aznar. Mientras fueron emitidos gobernaron en el Estado populares y socialistas y en Galicia, el PP y el bipartito de PSdeG y BNG.





venres, 20 de maio de 2011

A mentira ten as patas moi cortas!!!

Fai catro anos en virtude dun pacto "non escrito" con varios excompañeir@s do BNG de Porto do Son, aceptei a miña expulsión da secretaría da comunidade de montes sen facer "ruído", se a comunidade me pagaba os gastos do preito co que había recuperado o solar no que hoxe está construído o local social. Antes estaba como doado a nome de varios directivos, cando a comunidade había pagado 851.000 pesetas por el, máis 132.200 por rexistralo ao seu nome, ao que debemos engadirlle os gastos de notario e o máis rechamante, dietas a favor dos propios directivos polas "molestias".

Pago que, aínda recoñecido por Lei tiña dereito a el sen necesidade de pasar por unha asemblea, en febreiro do 94 aceptei pasar ese trámite para que me foran aceptados. Logo veu a directiva que nos precedeu, que despois de mirar para outro lado cando eu loitaba por todos, cheos de razón pretenderon ser quen de dicirme o que podía e non podía cobrar. De aí até cando foi de facela candidatura, tamén moi boas palabras, hasta como digo arriba, xurdiu ese pacto non escrito.

Aínda que coma militante xa me había dado de baixa, por suposto que non era a miña intención prexudicar á candidata e por iso aceptei nesa reunión á que me convocaron, marcharme en silencio da directiva. Iso si, ese día a señora candidata estaba moito más preocupada polo seu futuro, que polo "roubo", palabra que onte lle gustou usar moito no mitin. Porque si para ela votar por outros partidos é un roubo, para min máis roubo foi o cometido no agro de meu pai polo exconselleiro de Medio Rural e o seu curmán, o presidente da comunidade.

Que non ían ser fieis á súa palabra, intuíno cando na última reunión que tivera cos directivos no Bar Universal, o presidente soltoume a patada de que era falso que houbese recuperado a leira, só lle faltou acusar ao xuíz de Primeira Instancia de Noia, que foi o que ditou a sentenza, que prevaricara ou que era amigo meu. Onde non hai, non hai que sacar. Aínda sabendo iso, permanecín fiel aos meus principios e á miña palabra, eles xa ven, polo tanto nesta ocasión non rompo ningún pacto.

Metido neste brete, teño dereito a responder a unha das mentiras que escoitei no seu mitin onte na casa de Cultura. É falso, señora Ánxela, que fose vostede e o seu grupo os que acadaron a cesión dos terreos para o Punto Limpo. Dita cesión materializou durante o mandato de Manuel Tomé, a pesar do boicot do presidente. Porque non foi normal que entre a solicitude efectuada polo alcalde e el en convocar unha asemblea extraordinaria para debatelo tema, pasasen cinco meses. Tampouco foi normal que ante as preguntas dos comuneiros e comuneiras negase a contestarlles, polo que tivo que suspendela asemblea ao marcharlle a xente cabreada. Iso si, despois cando nos convocou por segunda vez, aínda tivo máis que dicir na súa convocatoria. Entre a solicitude e a cesión pasaron dez meses, cando se podía facer en menos dun mes.

Despois xa sabemos o que pasou, o bipartito da Xunta marchouse sen facelo e así seguimos, mentres tanto as escombreiras que si ollaban na oposición, non as vían desde o goberno.

Comuneiros de Nebra ceden dous mil metros cadrados para que se habilite o punto limpo
Despois de numerosos contratempos, parece que cesaron os problemas e que o punto limpo de Porto do Son poderá ser realidade a medio prazo. O alcalde, Manuel Tomé , confirmou onte que os comuneiros cederon dous mil metros de terreo próximos ás leiras do futuro polígono industrial e que o executivo xa achegou a documentación á Xunta para que reforme o anterior proxecto.
O motivo de que a actuación demorásese débese, como noutras ocasións, a que cando se ía obrar no primeiro terreo ofrecido, próximo ao actual, descubriuse que había petróglifos e houbo que parar en seco a intervención.
Esta situación obrigou ao Concello a encargar un informe arqueolóxico de todo o perímetro e a buscar novo emprazamento. A segunda alternativa recibiu o visto e prace de Patrimonio e, coa súa autorización, comezou de novo o proceso para a instalación deste servizo.
Froito da cesión, fíxose o parque infantil, a humanización do rio en Cornido, acondicionáronse as pasarelas da Aguieira e se algún día se pon en marcha o Punto Limpo, que unha das perdoas contratadas sexa de Nebra. Segundo vostedes durante o seu goberno non fixo nada, pero por favor, por lo menos non lle "rouben" o pouco que fixo.

Agora vou debullar un pouco o seu programa, porque tampouco albisco que fixesen tantas marabillas.

Quilómetros de pistas. Vale, si, para dous quilómetros asfaltados debemos usalo plural. Porque iso é o que hasta o momento se fixo. Un cacho no Pedroso, hasta a carpintería de Fontán, outro dende A Cova á Lomba e outro na Modoña. O tramo máis largo vai no seguinte apartado.

Construción de arteria principal de comunicación. Esta é a pista que parte de Quintáns hasta o cruceiro de Pouso, que nos papeis si que a tratan como arteria principal, pero a realidade é outra, porque o asfalto que se-lle votou é de pena. aquí díxeno ben claro. Unha arteria principal debería levar asfalto en quente, o mesmo que se usou na pasada lexislatura en pistas de escaso uso como foi na do Castrallón a Portofoloña e no novo tramo de Calo.

Mellora de pontes. Pontes é plural e facendo caso ao que se dixo, a única que presuntamente repararon foi a de Queiro. Non sei agora, pero cando pasei por xunto ela fai uns días, estaba como na pasada lexislatura ou peor.

Puntos de luz. Non ollei colocación de novos puntos, salvo que consistise nun troco de bombillas, pero tampouco quero quedar como mentireiro.

Desbroce de camiños e sendeiros. Algo si que se fixo, sobre todo neses tramos que se asfaltaron, como tiña que ser. Pero tamén se me informou por parte de vogais, oficialmente non teño constancia, porque esa é a transparencia dalgunha xente, que ese traballo nalgunhas pistas da parcelaria -do Concello- acometeunas a comunidade de montes, algo que durante o goberno do señor Tomé non se fixo, pero cada un é responsable dos seus actos, sempre e cando non xogue cos cartos de todos, como seria o caso. Noutra ocasión, outra directiva moito menos progresista, pretendeu facelo mesmo, pero democraticamente nunha asemblea dixémoslle que non, porque quen cobra polo imposto de circulación é o Concello, non a comunidade de montes. Agora de ser certo, non tivemos oportunidade de pronunciarnos, pero si de pagar.

Mellora do Polideportivo en colaboración ca Mancomunidade de Montes. Por Mancomunidade entendo a Mancomunidade da Serra do Barbanza, matizo isto, porque hai quen usa o mesmo termo para referirse á comunidade de montes, que non seria o caso.

Sinalización de viais. OK, media ducia de STOP.

Tamén hai cousas ás que non se nos fixo caso, a pesar de comunicarlle a súa situación. Refírome á fonte de Quintáns, que cando a Deputación limpou a beirarrúa no seu entorno, levou o tubo que había de paso e alí segue sen el. Menos mal que alguén lle puxo esa "rústica" ponte. Noutra ocasión, tamén se comenta que os avisaron que non botaba auga e de novo tiveron que ser os veciños, os que-lle tiveron que sacalas raíces.

Isto é todo o que se fixo en Nebra durante a etapa do bipartito. Agora xusto é que nomee a etapa anterior, ¿non? Ademais do parque infantil, humanización de Cornido, reparación de pasarelas na Aguieira, asfaltado da pista do Sanguiñal a Puilla, alumeado do Empalme a Cans, da Igrexa á Perdigueira, instalouse o saneamento dende as aldeas a carón da Igrexa hasta Quintáns, fixéronse as beirarrúas de Cans, deixando todo preparado para soterralas liñas de Fenosa e Telefónica... e recuperouse o cruceiro de Quintáns despois de longos anos de espera, ese que cando se conseguiu, xurdíronlle moitos padriños. Moito non seria, pero pouco tampouco... todo depende con que ollos se mire. Supoño que me queda algo no tinteiro, porque por mor do meu traballo non estou permanentemente en Nebra.

Como colofón sinto dicilo, pero Nebra foi a eterna esquecida polo Concello, de feito seremos a última parroquia en poder dispor dunha casa de cultura. Lémbrome do anterior bipartito, que lle solicitara unha varanda para pista de Puilla, que ten un desnivel de máis de 2 metros e non se-lle puxo porque valía 400.000 pts. De nada me valeu ter un goberno amigo e polo que tanto me mollara. O colofón de todo isto é que tempo despois, a un veciño caeulle un pucho e unha señora maior, caeu e partiu unha perna. Seguramente de ser outra persoa ou de acontecer algo máis grave, daríalle un bo susto as arcas do concello.

domingo, 30 de maio de 2010

Máis de dous anos perdidos

Parece que a fin dos vergoñentos verquidos incontrolados no noso Concello pode te-los seus días contados, xa que o pleno acepta os terreos de Nebra para o punto limpo. Iso si, a la van dous anos e medio perdidos ou tirados, non se sabe ben por culpa de quen, ou si?.
Menos mal que non se puxo unha cláusula de que se non se facía a obra en dous anos ou se pretendese facer outra cousa, a comunidade recuperaría a concesión. Sendo un pouco malo, foi unha oportunidade perdida para "aproveitarnos" un pouco máis do Concello, que xunto con Xuño somos ás parroquias máis desfavorecidas.

Debullando a noticia quédome con dous apuntes:
- Segundo as explicacións do goberno, o motivo de aceptar eses terreos agora foi que Medio Rural «cada quince días pide un documento novo. Agora ocorréuselle que hai que levar este asunto a pleno».
Foi una mágoa que cando gobernaba o bipartito na Xunta non fixesen o mesmo, neste caso, non-lle fixo falla ningún papel para entrarlle a saco no agro de meu pai.
- Paréceme fenomenal que paralicen a obra de Xuño porque se cuestione a titularidade dun camiño. Pero é unha pena que algúns deses excompañeiros que co seu voto agora aproban esa paralización, calasen e consentisen a cacicada que o seu compañeiro cometeu contra meu pai. Esta visto que para eles hai cidadáns de primeira, segunda ou terceira.
Que conste que me corto un pouco porque foron moitos anos coma compañeiros e amigos, que se non ía máis lonxe, pero non vale a pena, cada un é responsable dos seus actos.

Ceñindome exclusivamente á noticia, vou debullar un pouco polo miúdo que pasou nestes dous anos e medio. A primeira noticia que tivemos os comuneiros de que o Concello estaba interesado en construílo Punto Limpo na antiga canteira, curiosamente non foi por mediación dos representantes da Comunidade como seria o correcto, se non mediante o panfleto Nordés, editado polo BNG de Porto do Son. Nel dixéronse cousas que os comuneiros xamais manifestamos, porque era imposible facelo sen antes coñecelas pretensións do Concello.

Días despois almorzabamos con esta noticia: Tomé acusa ao presidente dos comuneiros de Nebra de dilatar a instalación do punto limpo. Parte de razón tiña, se-lle fixo a petición en xaneiro, o normal por parte do presidente era convoca unha asemblea o mais axiña posible para debater, aprobar ou rexeitala cesión. Para iso están as asembleas extraordinarias.

O certo é que seis meses despois engade o punto na asemblea ordinaria, que están máis para debater outros temas, pero en fin: Cuarto punto.- Petición da alcaldía para autorizarmos un PUNTO LIMPO en Cadeiras.

Do que pasou nesa asemblea dei resumida información nun post do blogue adicado á comunidade baixo o titulo: Que vergoña. Asemblea que contou coa presenza dunha comuneira i edil do actual equipo de goberno.

Non se aprobou nada porque o presidente non tivo ningún interese e menosprezando aos comuneiros, volveu a convocarnos outra vez aos quince días, faltando a verdade na convocatoria e facendo comentarios máis propios de taberna.

Por motivos de traballo non puiden asistir a dita asemblea e non houbo ningunha outra, onde se informase da xuntanza mantida varios comuneiros co alcalde. Teño que supoñer que as cláusulas que se pactaron nesa asemblea, foron as que lle presentaron ao alcalde e que este as aceptou. Non é normal o que pasou, pero é que pasan tantas cousas anormais que unha máis non se nota. O certo é novamente gracias á La Voz de Galicia, soubemos que: Comuneiros de Nebra ceden dous mil metros cadrados para que se habilite o punto limpo.

Por certo, ese mesmo día acompañado do Xefe do IV Distrito de Noia foramos ve-la cacicada que lle fixeran a meu pai, e tampouco tiña constancia da cesión. El tamén se informara de todo isto pola prensa.

Zona onde se vai instalar o punto. Aínda que nas fotos se ve moita pedra, esta desapareceu. Non se sabe se a levaron os comuneiros, únicos autorizados a facelo tal é como se aprobou en asemblea, ou a levaron foráneos, con ou sen autorización.

xoves, 6 de maio de 2010

Estamos vendidos?

Abraiado i estupefacto me quedei ao ve-las declaracións en El Correo Gallego do conselleiro de Medio Ambiente, Agustín Hernández respecto á rotonda da autovía en Xarás (Ribeira):

"está pendiente del auxilio de las fuerzas del orden público para retirar el tractor colocado por el dueño de un terreno que estaba disconforme con su ocupación. El Xurado de Expropiación ya fijó la cuantía, muy por debajo de lo que pedía el afectado, y ya no hay motivo para no hacer la rotonda".

La Voz de Galicia tamén recolleu: «está pendente do auxilio dás forzas de orde público para retirar o tractor».

Só no Diario de Arousa podemos ve-la opinión do portavoz da firma propietaria:

...el tema está en manos de la justicia, después de que el TSXG admitió a trámite un contencioso-administrativo por nulidad del expediente de expropiación, y una querella criminal por falsificación documental, que podrían ampliar a los actuales responsables “si deciden meterse”

Como troca o conto de estar na oposición ou no goberno, na oposición uns e outros defenden o indefendible por un puñado de votos, e tamén nos decatamos que para eles é moi loado preitear cos cartos de todos.

Como lembraremos este caso saltara a luz pública ao entrala empresa Sacyr neses terreos sen que o bipartito fixera os deberes, como era inicialo proceso de expropiación forzosa caso de non chegar a un principio de acordo. No caso da expropiación ilegal que Medio Rural efectuara tamén na propiedade de meu pai, foran moito máis rápidos ao actuar con nocturnidade, premeditación e aleivosía.

Recoñezo que esa rotonda é moi necesaria, crúzoa dúas veces ao día como mínimo e prodúcense bastantes embotellamentos, pero o que non se pode é ir de prepotentes e "chulitos" pola vida, por moi políticos que sexan, pisando os nosos dereitos. Neste caso notase que deron cun oso duro de roer, o malo é cando dan con xente que non se pode defender. Dende a morte de Franco pensei que rematara a Ditadura, pero ou moito me engano ou estamos noutra pero con minúsculas.

Agardemos que no caso de heliporto do Hospital da Barbanza, outra mala herdanza do bipartito, tamén sexan igual de rápidos i eficientes.

Algunhas ligazóns de interese sobre o tema e que conste, nin teño parentesco cos propietarios, nin os coñezo.

11/12/2008 Unha empresa reclama xudicialmente que se paralice a ocupación dun terreo situado en Xarás

28/12/2008 Un veciño fai garda 24 horas en Xarás para impedir que Sacyr traballe

09/03/2009 Sacyr ocupa os terreos próximos á rotonda de Xarás

10/03/2009 Sacyr entra na leira de Xarás escoltada pola Policía Autonómica

10/03/2009 O propietario da parcela anuncia medidas legais para paralizar de novo as obras

26/03/2009 Os afectados polas obras de Sacyr presentan unha queixa ante o Valedor

10/12/2009 O tractor de Xarás cumpre un ano sen moverse e co litixio da expropiación sen resolver