venres, 14 de xullo de 2017

Información da reunión do Concello en Nebra

Foto e texto, extraído da páxina de Facebook do Concello de Porto do Son

O alcalde do Concello de Porto do Son Luís Oujo e o seu equipo de goberno, queren agradecer a todos os veciños e veciñas a participación nas reunións parroquiais, xa que entenden que é unha forma de democratizar a vida municipal e facer partícipe a cidadanía das intervencións e coñecer as necesidades de primeira man.

O alcalde explicou as inversións que están previstas executar como pode ser: reparación e melloras de pista, a que da acceso o punto limpo, a da Aguieira, o saneamento, os abastecementos de auga na Aguieira e cruce de Nebra, a recuperación do entorno da igrexa de de Nebra...
Aquí vou destacar as palabras usadas, que foron que «estaba pendente da cesión por parte da igrexa para a a recuperación do seu entorno», e tamén antes dixo que se ían solicitar «permisos para o paso das tubarias secundarias do saneamento», por que, ao contrario do que pasou na Comunidade cando se lles dou por cruzar varios agros cunha pista nos Balados, sen permisos nin proxecto, o Concello vai respectalas propiedades privadas.
Como en cada reunión, recolléronse as demandas dos veciños, que se intentarán levar a cabo na medida do posible.
Aquí engado tamén unha das consultas que lle fixeron os veciños, entre outras cousas, «que pasou coa fonte pública que hai na Aguieira e que agora non está accesible ao atoparse completamente valada por un particular».

A reunión transcorreu con toda normalidade, os veciños participaron comentando e propondo ideas ou alternativas a cousas que, nun papel se ven ben, pero só os que vivimos nos lugares coñecemos a realidade. As cousas que estaban en estudo respondéronse no momento, e doutras, tomouse nota ou emprazábanse a comentar máis polo miúdo cada caso particular ao remate da reunión.

Ningún comentario:

Publicar un comentario

Os comentarios son libres, só pido sentido.