luns, 9 de xuño de 2014

40 de maio entre lusco e fusco

Que queredes que vos diga, por Nebra até esta posta de Sol, o refraneiro cumpriuse: «Ata o 40 de maio non te quites o saio e se volve a chover, vólveo a poñer».

Ao largo do día tivemos de todos amencer gris, e o resto, fresco, chuvia e por se faltaba algún ingrediente, vento.

Porén segundo este outro refrán isto non é malo, xa que: «Auga entre maio e xuño, vale máis cós bois e o xugo».

Iso si os que temos viña acordámonos deste: «Ata San Pedro, o viño ten medo» ou este: «En san Xoán, o tempo aínda pon cara de can».

Isto non é un refrán, e o que nos auguran os meteorólogos: Pronostican un verán chuvioso en España, a excepción de Galicia.

Ningún comentario:

Publicar un comentario

Os comentarios son libres, só pido sentido.