Manifestación do Día das Letras Galegas

Manifestación do 17 de maio polas rúas de Santiago de Compostela, en defensa do galego no Día das Letras Galegas.
Coñece algún país onde o seu idioma só se celebre un día...?
Coñece algún país onde o seu idioma sexa repudiado por algúns...?
Coñece algún país onde a xente non se poida casar no seu idioma...?
Coñece algún país onde a xente non se pode examinar no seu idioma...?
Coñece algún país democrático onde se prohiba expresarse libremente...?
Ese país chamase Galiza e guste ou non guste, temos un idioma tan respectuoso coma o de calquera outro país: O galego... con máis de 1000 anos de Historia!!!

Manifestación Letras Galegas

Ergámonos, ergámonos,
que temos que ir loitar
para que a nosa lingua
non se deixe de falar.

Movámonos, movámonos
pois o momento é.
Para que a nosa lingua
siga viva, sempre en pé!

Foi a lingua
que usou a nosa xente
ao longo da historia
antiga e máis recente.

Mais agora,
e nestes tempo novos
hai quen quere matala...
A lingua deste pobo!

Defendela
é para nós un reto.
Pretenden machacala
a golpe de decreto.

Malos tempos
son para a nosa lingua
pois queren liquidala
se a nosa loita mingua.

Son malos tempos
para o idioma
e non debemos
tomarnos isto a broma.

Hai que estar cego
para non velo.
Non hai desculpa!
Temos que defendelo!

Ergámonos, ergámonos...

Disimulan
Cambiando "si" por "yes".
Pretenden que agora
Falemos inglés.

E por riba
colócannos un gol
dicindo que en perigo
está o español.

Non te enganen
faltándoche ao respecto
se che din que o galego
é lingua de paletos.

Dálles brasa
dicíndolle a esa xente
que o idioma galego
é para intelixentes.

Son malos tempos...

Ergámonos, ergámonos...

Berra alto,
dilles con claridade
que o idioma galego
é a nosa identidade.

Non te cortes,
o idioma é noso
e de que siga vivo
estamos orgullosos.

E presumen
de que son xente "noble"
para dicir carballo
oiraslles dicir "roble".

Lume neles!
e veloz coma un raio
Ti podes contestarlles
mandándoos ao "Carballo".

Son malos tempos...

Imaxes da manifestación con saída da carballeira de Santa Susana ata a praza da Quíntana

Agustín Fernández Paz, un dos autores máis destacados e premiados da literatura galega actual, dando lectura ao manifesto escrito do seu puño e letra "Voares de Esperanza"

Intervención integra de Carlos Callón

Peche do acto coa interpretación do Himno galego

Fotos da manifestación